काठमाडौं ६, असार । तत्कालिन समयका चर्चित पप गायक हरिष माथेमाको मिठो स्वर समेटिएको ‘साथी हो वा संगी....’ बोलको गीतको म्युजिक भिडियो सार्वजनिक भएको छ । चुर्चिल थापाको शव्द, सुबेन्द्र लिम्बुको संगित रहेको भिडियोमा मिना लामा, प्रशान्त दुवाललाई पर्दामा देख्न सकिने छ ।
ऐतिहासिक नगरी ललितुपरको विभिन्न रमणीय स्थानमा छायाँकन गरेको भिडियो आकर्षक देखिनुका साथै मोडलद्वयको अभिनय उत्कृष्ट रहेको छ । राजकुमार महर्जनको निर्माण, निर्देशन रहेको भिडियोलाई व्हाइट पिगन मिडियाले युट्युव मार्फत सार्वजनिक गरेको हो ।
