कपिलवस्तु, आश्विन ५ । आश्विन ३ गते संविधान दिवस । यो अवसरमा देशभर विशेष कार्यक्रमको आयोजना गरी संविधान दिवस मनाइएको छ भने कतै विरोधका स्वरहरु पनि सुनिएका छन् । संविधान जारी हुँदा आफ्ना मुद्दालाई न समेटिएको भन्दै केही मधेशवादी दलहरुले यसको विरोध गरे । त्यस्तै कपिलवस्तुमा एक नेपाल हिन्दू राष्ट्रको माग गर्दै संविधान खारेज गर्नुपर्ने भन्दै नेपाल मुक्ति मञ्च र केही हिन्दूवादी संगठनले संविधान जलाएका छन् ।
उनीहरुले नेपालमा संवैधानिक राज संस्था सहित नेपालमा एक पल्ट फेरि हिन्दू राष्ट्र घोषण गर्न माग गरेका छन् । नेपाल मुक्ति मञ्चका अध्यक्ष श्यामकुमार मिश्रको नेतृत्वमा रहेको विरोधसभामा वर्तमान संविधान खारेजगरी २०४७ सालको संविधानलाई पुनः लागु गर्नुपर्ने माग गरिएको थियो । कृष्णनगरको बस पार्क एवं गोलघरमा गरिएको विरोधसभामा सयौं कार्यकर्ताले संविधान विरोधी नारा लगाएका थिए ।
