काठमाडौं । 'मिटु अभियान'ले सामाजिक सञ्जाल चुलिएको छ । यो अभियान अन्तरगत हलिउडमा समेत भुइचालो गयो ।
बलिउड उस्तै तातेको छ । राजनीतिक क्षेत्रका ठूल्ठूला नाम यौन उत्पीडनको आरोपले चर्चा पाए । महिलामाथिको यौनहिंसालाई लिएर मै हुँ भन्नेहरु एकाएक खस्केकाछन् ।
विदेश राज्यमन्त्री तथा पूर्वपत्रकार एमजे अकबरले पदबाट हात धुनु पर्यो । पछिल्लो समय प्रदेश ३ का भौतिक योजना तथा निर्माण मन्त्री एवं काठमाडौं महानगरपालिकाका पूर्व मेयर केशव स्थापितमाथि यौन हिंसाबारे अन्लाईन सन्चार माध्यममा समाचार भाइरल भएको छ ।
उनी यतीबेला रुघा लागेर बेडमा रहेको बताउदै गर्दा अन्लाईन सन्चार माध्यममा समाचरले निकै स्थान पाएको छ । उनी काठमाडौं महानगर पालिकाको मेयर भएका बेलामा जागिर टिकाउन एक संचारकर्मीलाई यौन प्रस्ताव गरेको खुलासा भएको हो ।
विश्वभर सामाजिक संजालमा सुरु भएको ‘मी टु’ अभियानले नेपालमा पनि प्रवेश पाउने क्रम बढेसँगै यो घटनाले ठुलो चर्चा पाएको छ ।
रश्मिला प्रजापतीले आफूलाई तत्कालिन अवस्थामा स्थापितले यौन दुर्व्यवहार गरेको खुलासा गरेकी हुन् । यो खुलासासँगै न्यूज अभियानले भौतिक योजना तथा निर्माण मन्त्री एवं काठमाडौं महानगरपालिकाका पूर्व मेयर केशव स्थापितलाई सम्पर्क गरि तपाई काठमाडौं महानगरपालिकामा मेयर रहेको अवस्थामा पूर्व कर्मचारी रश्मिला प्रजापतीले १५ बर्ष अगाडि यौन उत्पीडनको आरोप लगाएकीछन् भनी प्रश्न गरेको थियो ।
मलाई हचुवाको भरमा बद्नाम गर्ने काम भइरहेको छ । म आज बिमारी छु भोली प्रहरीकोमा जान्छु । साइबर क्राइमको कानुन कडा छ । यसरी साल पनि नमिल्लने गरि बद्नाम गर्न पाइन्छ । दिन तिथि नमिले पनि साल त मिल्नु पर्यो नी होइन ? भन्दै उल्टै प्रश्न गरे ।
ल यौन उत्पिडनको आरोप आयो रे, २०५४,५५ साल यस्तो केहि त उल्लेख हुनुपर्यो । जागिर खान पाइएन भन्दैमा आरोप लगाउन पाइन्छ । कानुनी उपचारको लागि सल्लाह गर्दै छु । उनले प्रजापतिविरूद्ध कानुनी कारबाही गर्ने तयारीमा छन् । म मुद्दामा जान्छु।' अर्को एक जना महिला पनि यस्तै कुरा गरेको छ रे । म त उसलाई चिन्दा पनि चिन्दिन उनले यस्तो पो जवाफ दिएकाछन् ।