२५ कम्पनीका औषधि गुणस्तरहीन
औषधिजस्तो संवेदनशील विषयमा खेलाची हुने गरेको पाइएको छ । औषधिमा हुने सानो लापरवाहीले व्यक्तिको जीवन नै बर्बाद हुने भए पनि औषधि कम्पनीहरु बेपर्वाह देखिएका छन् ।
नागरिक दैनिकले आज २५ कम्पनीका औषधि गुणस्तरहीन रहेको गम्भीर विषय उप्काएको छ । समाचार अनुसार २५ वटा औषधि उत्पादन कम्पनी मापदण्डविपरीत सञ्चालन भइरहेका छन् । तर, यसको नियमन गर्ने निकाय औषधि व्यवस्था विभाग भने मुकदर्शक बसेको छ ।
विभागका अनुसार मुलुकमा भिन्नभिन्न प्रकारका औषधि उत्पादन गर्ने ५५ कम्पनी सञ्चालनमा छन् । यसका अतिरिक्त नौवटा कम्पनी भौतिक पूर्वाधार निर्माणको चरणमा छन् ।
सञ्चालनमा रहेका २५ स्वदेशी उत्पादकले वल्र्ड हेल्थ अर्गनाइनाइजेसन जीएमपीका लागि अहिलेसम्म आवेदन नै दिएका छैनन् । नेपालमा आयात गरिने औषधिका लागि यो अनिवार्य मानिन्छ । गुणस्तर सुनिश्चितता गराउनका लागि यसलाई अनिवार्य गरिएको हो । तर, २५ कम्पनीहरुले अटेरी गर्दै आइरहेका छन् ।
