काठमाडौं – प्रमसख प्रतिपक्षी दल नेपाली काँग्रेसका सभापति शेरबहादुर देउवाले सरकारले लोकतन्त्रमाथि निरन्तर आक्रमण गरिरहेको बताएका छन् । शनिवार काठमाडौँमा पाँचथर काठमाडौँ सम्पर्क समितिको शुभकामना आदान प्रदान कार्यक्रमम सभापति देउबाले प्रजातान्त्रिक अधिकारमाथि सरकारको आक्रमण बढिरहेको भन्दै यसलाई रोक्न सबैलाई एकजुट हुन आग्रह गरे ।
सरकारले लोकतन्त्रमाथि आक्रमण गर्न एकपछि अर्को विधेयक ल्याएर जनताका अधिकार कटौती गर्न लागेको पनि आरोप लगाए । सभापति देउवाले प्रजातन्त्रको रक्षाको लागि सबै काँगे्रसजन सचेत भएर लड्नु पर्ने बेला आएको बताए ।
सभापति देउवाले पार्टीभित्र अन्तर्घात बढेका कारण विभिन्न निर्वाचनमा पराजय भोग्नुपरेको बताउँदै चाडपर्वले पार्टीभित्र एकताको सन्देश दिन सहयोग पुग्ने विश्वास व्यक्त गरे ।
