गायक तथा संगीतकार तुलाधर दर्नाल नयाँ गीत लिएर आएका छन् । उनले आफ्नो युट्युब च्यानलमार्फत ‘सुनै सुनको महल’ बोलको गीत सार्वजनिक गरेका हुन् । गीतमा गायक स्वयंकै संगीत छ भने गीतका शब्द गीतकार उपेन्द्र अधिकारी ‘दुःखी छिमेकी’ले रचना गरेका हुन् । संगीत संयोजन किरण कँडेलको रहेको छ ।
नेपाली सांगीतिक क्षेत्रमा लामो समयदेखि सक्रिय गायक-संगीतकार दर्नालले गीतको लिरिकल भिडियो सार्वजनिक गरेका हुन् । म्युजिक भिडियो भने निकट भविष्यमै बजारमा ल्याइने दर्नालले बताए ।
यसअघि गायक दर्नालको ‘बीचै नदीमा तिमीले’, ‘मेरो मुटु तिमी’, मन मेरो चोरी’, बजारमा ल्याइसकेका छन् । दर्नालले धेरै गीतमा संगीतसमेत भरिसकेका छन् ।
