उर्लाबारी/उर्लाबारी–5 स्थित अरनिको अस्पतालले पूर्णकालिन रुपमा स्त्री तथा प्रस्तुति रोग विशेषज्ञ सेवा उपलब्ध गराउन थालेको छ । मंगलबार अस्पतालले पत्रकार सम्मेलनको आयोजना गर्दै अस्पतालले पूर्णकालिन रुपमा गाइनेकोलोजिष्टले विशेषज्ञ सेवा दिने अस्पतालका अध्यक्ष लोलिम पोमू लिम्बूले जानकारी दिए । निःशुल्क रुपमा सुरक्षित मातृत्व सेवा प्रदान गर्दै आएको अस्पतालमा वरिष्ठ स्त्री तथा प्रसुति रोग विशेषज्ञ डाक्टर राजेश्वर साहले विशेषज्ञ सेवा दिनेछन् । साह यसअघि चितवन मेडिकल कलेजमा तीन वर्ष कार्यरत थिए ।
यो सँगै अरनिको अस्पताल विराटनगर बाहिर ५ जना विशेषज्ञ डाक्टरहरुले पूर्णकालिन सेवा दिने पहिलो अस्पताल भएको अस्पताल प्रशासनले जनाएको छ ।
कार्यक्रममा अस्पतालमा आएका दुई जना पूर्णकालिन डाक्टर तथा विशेषज्ञ डाक्टरहरुलाई समेत परिचय गराएको थियो ।
यसैबीच अरनिको अस्पतालले आगामी वैशाख पहिलो सातादेखि सिटिस्क्यान सेवा उपलब्ध गराउने जनाएको छ ।अस्पतालका वरिष्ठ हाडजोर्नी विशेषज्ञ डाक्टर सन्दिप अधिकारीका अनुसार सिटिस्क्यान सेवाका लागि यस क्षेत्रका मानिसहरु अन्यत्र जानु पर्ने भएकाले उक्त सेवा अस्पतालले नयाँ वर्षदेखि उपलब्ध गराउन लागेको बताए ।
उर्लाबारी–५ स्कूललडाँडामा रहेको अरनिको अस्पतालले विगत तीन वर्षदेखि यस क्षेत्रमा स्वास्थ्य सेवा दिदै आएको छ । अस्पतालले हाडजोर्नी, रोडियोलोजि, विभिन्न किसिमका अपरेशनहरु सामान्य खर्चमा गुणस्तरीय सेवा प्रदान गर्दै आएको अस्पतालका प्रबन्ध निर्देशक चिरञ्जीवि चुडालले जानकारी दिए ।
