काठमाडौं, १ फागुन । कुनै बेलाका सहकर्मीले बलियो सुरक्षा घेराभित्र रमाइलो गर्दै जनयुद्ध दिवस मनाइरहेका बेला हाल पनि भूमिगत रुपमै रहेका नेत्रविक्रम चन्द विप्लवनेतृत्वको नेकपा नेता कार्यकर्ता भने धमाधम पक्राउ परिरहेका छन् ।
यसै क्रममा आज जनयुद्ध दिवसकै दिन विप्लवसम्वद्ध विद्यार्थी संगठनका अध्यक्ष चिरञ्जीवी ढकाल पक्राउ परेका छन् ।
अनेरास्ववियु क्रान्तिकारीका अध्यक्ष ढकाललाई महानगरीय प्रहरी अपराध महाशाखाको टोलीले काठमाडौंको संकटा क्षेत्रबाट पक्राउ गरेको हो ।
महाशाखाका प्रमुख एसएसपी सहकुल थापाकाअनुसार उनीसँगै पक्राउ परेका तीन जनाबारे अनुसन्धान भइरहेको छ ।
