काठमाडौं, ११ फागुन । प्रधानमन्त्री केपी शर्मा ओली र प्रतिवन्धित नेपाल कम्युनिस्ट पार्टी(नेकपा) का महासचिव ‘विप्लव’ को एकै दिन जन्मदिन परेको छ । ओलीले सरकारी निवास बालुवाटारमा जन्मदिन मनाएर उनको पुर्ख्यौली घर तेह्रथुमको आठराई गएका छन् भने भूमिगत रुपमा रहेका विप्लवले कसरी जन्मदिन मनाए भन्ने बारेमा सबैजना अनविज्ञ रहेका छन् । यद्यपी सामाजिक सञ्जालमा उनले बधाइ एवं शुभकामना पाइरहेका छन् ।
‘विप्लव’ को जन्म रोल्पाको केवरीस्थित मध्यमवर्गीय परिवारमा २०२४ साल फागुन ११ मा भएको थियो । बाबु चित्रबहादुर चन्द र आमा खुसीमाया घर्तीका कान्छो सन्तान विप्लवका तीन दिदी र दुई दाजु छन् ।
सरकारले विप्लव नेतृत्वको दललाई विप्लव समूह भन्दै प्रतिवन्धित गरेपछि उनी पछिल्लो समय भूमिगत रहेका छन् ।
