अधिकांश मानिसमा चिया पिउने लत छ । भेटघाट होस् वा सानातिना छलफल सबैतिर प्रायः चिया पिउने प्रचलन छ ।
तर धेरै चिया पिउनु पनि स्वास्थ्यका लागि हानिकारक मानिन्छ । यद्यपी अदुवा हालेको चिया पिउँदा भने त्यसले स्वादमा मात्र परिवर्तन ल्याउँदैन तपाईको शरीरलाई समेत फाइदा पुर्याउँछ ।
१. चियामा अदुवाको प्रयोगले रुघा तथा खोकीबाट राहत मिल्छ ।
२. अदुवा हालेको चिया पिउँदा पेट दुखेको कम हुन्छ ।
३. अदुवा हालेको चियाले पिउँदा तनाव समेत कम हुन्छ ।
४. अदुवा चियाले श्वाप्रश्वास राम्रो बनाउँन मद्दत मिल्छ ।
५. अदुवाले रोग प्रतिरोधात्मक क्षमता बढाउँने हुँदा चियामा यसको प्रयोग लाभदायक मानिन्छ ।
६. कुनै यात्रामा निस्कनु अघि अदुवा हालेको चिया उपभोग गरेमा बान्ता हुँदैन ।
७. अदुवासहितको चियाले मोटोपना कम गर्द मद्दत मिल्छ ।
८. अदुवामा एन्टीब्याक्टेरियल र एन्टीअक्सीडेन्ट गुण हुन्छ जसले रोगबाट बचाउँछ ।
९. यसले जाडो मौसममा हुने विभिन्न किसिमको संक्रमण र एलर्जीबाट बचाउँछ ।
१०. अदुवा चियाको सेवनले क्यान्सरसँग लड्ने क्षमता बढाउँछ ।
११. यसले रगतमा हुने ग्लुकोजको स्तर व्यवस्थापन गर्दछ ।
१२. अदुवा हालेको चिया खाएमा रक्तसञ्चारमा सहयोग पुग्दछ ।
१३. यसले पाचन प्रक्रियामा सुधार ल्याउँने गर्दछ ।
१४. अदुवा हालेको चिया सेवन गर्दा अल्जाइमर हुने संभावना कम हुन्छ ।
१५. यसको सेवनले अनियमित हुने महिनावारीलाई नियमित समेत बनाउँछ ।
यो पनि पढ्नुहोस
नियमित तातो पानी पिउनुहोस्, तपाईंलाई फाइदै फाइदा
जाडो मौसममा चिया पिउनेको संख्या बढ्ने गर्छ । चिसोमा चिया पिउनेले स्वस्थ चियाको विकल्प रोज्नुपर्छ । सादा चियाको सट्टा अदुवा र ल्वाङ राखेर चिया पिउने हो भने शरीरलाई फाइदा गर्छ । यसले शरीरलाई न्यानो पार्नुका साथै धेरै रोगबाट बचाउन मद्धत गर्दछ ।
चिकित्सकका अनुसार जाडोमा अदुवा र ल्वाङ हालेको चिया खानुका छुट्टै महत्व हुन्छ । अदुवामा भिटामिन सी को मात्रा धेरै हुन्छ । साथै म्याग्नेसियम र अन्य खनिज पदार्थ धेरै मात्रामा पाइन्छ । अदुवाको जरा स्वास्थ्यको लागि राम्रो मानिन्छ ।यस्ता छन् जाडोमा अदुवाको चिया खानुका फाइदा
रुघा खोकीबाट छुटकारा
चियामा अदुवाको प्रयोग गर्नु रुघा तथा खोकी राहतमा धेरै प्रभावकारी हुन्छ । अदुवामा तुल्सीको पात, मह, कागती र ल्वाङ मिसाएर पनि खान सकिन्छ।
पाचन शक्ति बढाउछ
अदुवाको चिया पिउँदा पाचन शक्ति बलियो हुन्छ । यसको प्रयोगले पेट दुखाई र ग्याससम्बन्धी समस्यालाई कम गर्दछ । जाडो मौसममा अदुवाको चिया वा रस पिउँदा कागती र कालो नुन मिसाउने हो भने पेटको समस्या निराकरण हुन्छ।
तौल नियन्त्रण गर्छ
अदुवा मोटो शरीरको लागि धेरै फाइदाजनक हुन्छ । तौल कम गर्न चाहने व्यक्तिका लागि अदुवाको पानी र चिया राम्रो हुन्छ । वास्तवमा अदुवामा कार्टिसोल भएको कारण पेटको बोसो र शरीरको अधिक बोसो कम गर्न मद्धत गर्छ ।
एलर्जीको रोकथाम
अदुवामा एन्टी ब्याक्टेरियल र एन्टी अक्सीडेन्टको गुण हुन्छ । जसले धेरै रोगहरुबाट बच्न मद्धत गर्छ । जाडो मौसममा हुने विभिन्न किसिमको संक्रमण र एलर्जी बाट बचाउँछ । हाड जोड्नीको दुखाईको समस्या भएका व्यक्तिलाई अदुवाले धरै फाइदा गर्दछ ।
रक्त सञ्चारमा सुधार
अदुवामा रहेको भिटामिन, खनिज र एमिनो एसिडले रक्त सञ्चारलाई राम्रो बनाउँछ । हृदयघात देखि अन्य मुटु सम्बन्धी समस्या समेत अदुवाको चियाबाट कम गर्न सकिन्छ।
तनाव मुक्त
दिकदार र तनाब बाट बच्न अदुवाको चिया एकदमै फलदायी हुन्छ । जाडो मौसम र व्यस्त जीवनशैलीमा अदुवा एक सबै भन्दा राम्रो औषधी बन्न सक्छ।
