मोरङ । मोरङको पथरी जेसीज र प्रत्रकारबीच बिहिबार फुटसल प्रतियोगिता भएको छ ।
पथरी जेसीजको सप्ताह ब्यापी कार्यक्रम तालिका अनुसार भएको प्रतियोगितामा ८-७ गोल अन्तरले प्रत्रकारको टिम बिजय भएको हो ।
पत्रकारको टिममा शन्तोष राई, अर्जुन जम्नेली राई, दिनेश सुब्बा, नवराज भट्टराई, कुमार खड्का, भीमराज अधिकारी, बिजय धिमाल, बिबेक न्यौपाने, लङसिङ्ग श्रेष्ठ, ईस्वर दुलाल पालैपालो खेलेका थिए ।
त्यसैगरी पथरी जेसीजको तर्फबाट अध्यक्ष सन्तोष ढुङ्गेल, महासचिव सुबर्ण खत्री, गिरिस साम्बा, राज तिरुवा, निरोज बस्नेत, भुवन मगर, अनु राई लगायतले खेलेका थिए ।
उर्लाबारी फुटसल मैदानमा भएको खेल फुटसल बिजेता पत्रकार टिमलाई ट्र्फीको साथमा अध्यक्षको ढुङ्गेलको तर्फबाट विभिन्न दार्शनिक तथा सफल ब्यक्तिहरुको जीवनीमा आधारित पुस्तकहरु प्रदान गरेका थिए ।
पथरी जेसीजले आफ्नो स्थापना दिवसको अवसरमा फुटसलसँगै, डास खोलामा मलामी घर सफाई, क्यासर रोगिलाई आर्थिक सहयोग बितरण, जनमैत्री प्रशासन र बिधिको शासनको लागि चेतनामूलक कार्यक्रम (शासन ब्यक्ती होइन बिधिको उल्लेखित स्टीकर कार्यलयमा टांस्ने), पार्यटन प्रवर्द्धन लगायतको कार्यक्रम गरि मंसिर १६ देखि २५ गतेसम्म सप्ताहब्यापी कार्यक्रम गर्दैछ ।
