काठमाडौं । च्याम्पियन्स लिग फुटबलको प्रिक्वाटरफाइनलमा इंगलिस क्लव चेल्सी र स्पेनिस क्लव बार्सिलोनाले १–१ गोलको बराबरी खेलेका छन् ।
मंगलबार राति चेल्सीको मैदान स्टामफोर्ड ब्रिजमा भएको पहिलो लेगेको खेलमा चेल्सीका विलियनले ६२ मिनेटमा गोल गरे । १–० ले पछि परेको बार्सिलोनाका लियोनल मेस्सीले गोल फर्काउँदै खेल बराबरी गरे ।
एन्द्रेस क्रिस्टेन्सेन्सले गलत पास दिएपछि त्यही कमजोरीको फाइदा उठाउँदै मेस्सीले ७५ औं मिनेटमा गोल गरेका थिए ।
त्यसपछि पनि गोल गर्ने प्रयास बार्सिलोनाले गरेको थियो । तर सो क्रममा लुइस सुवारेजले नै पहेंलो कार्ड खान पुगे ।
दोस्रो लेगको खेल मार्च १४ मा बार्सिलोनाको मैदान नोउ क्याम्पमा हुनेछ ।
मंगलबार राति भएको अर्को खेलमा जर्मन क्लब बायर्न म्युनिखले टर्किस क्लव बेसिक्तासलाई ५–० को विशाल अन्तरले हरायो ।
आफ्नै मैदानमा बायर्न म्युनिखलाई विजयी गराउन रोबर्ट लेवान्डोस्की र थोमस मुलरले २–२ र किङ्ग्सले कोम्यानले १ गोल गरे ।
