• एजेन्सी । ओस्मान डेम्बेलेले अन्तिम मिनेटमा गोल गरेपछि रियल भालाडोलिडमाथि जित निकाल्दै बार्सिलोना ला लिगाको दोस्रो स्थानमा उक्लिएको छ । ला लिगामा बार्सिलोनाको यो लगातार छैटौं लिग हो ।

    यो जितले बार्सिलोनालाई शीर्ष स्थानको एट्लेटिको मड्रिडसँगको दूरी १ अंकमा ल्याएको छ । शनिबार एट्लेटिकोले सेभियासँग पराजय ब्यहोरेको थियो ।

    एट्लेटिकोको २९ खेलबाट ६६ अंक छ भने सामान खेलबाट बार्सिलोनाको ६५ तथा रियल मड्रिडको ६३ अंक छ । लिगमा ९ खेल बाँकी रहँदा उपाधिमा तीनै टोलीबीच कडा प्रतिस्पर्धा हुने देखिएको छ ।

    लगातारको प्रयासमा गोल गर्न नसकेको बार्सिलोनाका लागि यो निराश दिन बन्ने लक्षण देखिएको थियो । तर ७८ औं मिनेटमा डेम्बेलेमाथि नै खतरनाक फल गरेपछि भालाडोलिडका ओस्कार प्लानोलाई रेफ्रीले रातो कार्ड देखाए । यो कार्डको बारेमा विवाद भने बढिरहेको छ ।

    त्यसयता खेलमा हावी भएको बार्सिलोनाका लागि अन्तिम मिनेटमा रोनाल्ड आरउजोको फ्लिक पासमा डेम्बेलेले भली गोल गरे । पहिलो हाफमा दुवै टोलीले गोलका अवसर खेर फालेका थिए ।

    बार्सिलोनाले अर्को शनिबार लालिगा अन्तर्गतको एल क्लासिको खेल्दैछ भने अर्को महिना एट्लेटिकोको सामना गर्दैछ । यी दुई खेलको नतिजाले उसको उपाधिको भविश्य पनि निर्क्यौल गर्नेछ ।

सम्वन्धित समाचार

काठमाडौं । प्रधानमन्त्री केपी शर्मा ओलीले नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड&rsqu…

काठमाडौं । नेपाली कांग्रेसले पार्टीको १४ औं महाधिवेशन आगामी भदौको ७ देखि १० गतेसम्म तय गरेको छ । …

काठमाडौं । प्रधानमन्त्री केपी शर्मा ओलीले २०७७ सालमा सबै रामैराम्रा काम गरेको फेहरिस्त सार्वजनिक गरेका छन् …

आज विक्रम संवत् दुई हजार अठहत्तर (२०७८) साल वैशाख १ गते नयाँ वर्षको पहिलो दिन नेपालभर एकापसमा शुभकामना …