काठमाडौं, ११ फागुन । नेपाल टेलिकम र एनसेलबीचको प्रतिस्पर्धा राम्रै चलेको छ । तर नेपाल टेलिकमले भन्दा कम कर किन एनसेलले तिर्छ ?
प्रचारमा एनसेलले नेपाल टेलिकमको भन्दा बढी सिमकार्ड बेचेको छ, बढी आम्दानी गरेको पनि दावी गर्छ र उसैले नेपालमा कमाउँदै विदेशमा डलर लैजाने सुविधा पनि पाएको छ ।
अदालतले समेत उसैको पक्षमा निर्णय गरिदिएको छ तर कर एनसेलले कम तिर्छ, जुन अनुसन्धानको विषय हुनुपर्ने हो, भएको छैन ।
केन्द्रीय तथ्यांक विभाग (सीबीएस) को पछिल्लो तथ्यांकअनुसार नेपालको जनसंख्या २ करोड ७९ लाख ८० हजार छ । वैदेशिक रोजगारी, पढ्न र अन्य काममा ६० लाख गएका छन् ।
२० लाख त रोजगारीका लागि भारतमै गएका छन् । नेपाल दूरसञ्चार प्राधिकरणको रेकर्डमा ३ करोड ६० लाख सिमकार्ड बेचिएको देखिन्छ ।
जनसंख्याभन्दा बढी सिमकार्ड बेचिनु तर कर कम तिरिनु र निजी कम्पनीले बढी कमाएर कम कर तिर्नु, सिआईवीको ध्यान यता किन नगएको होला ?
