उर्लाबारी, १ चैत । उर्लाबारी नगरपालिकाले आज कृषक समुहलाई ५० प्रतिशत अनुदानमा पावर टिलर ट्याक्टर वितरण गरेको छ । नगरपालिकाको कृषि शाखाले आज एक कार्यक्रमको आयोजना गरी उर्लाबारीका ८ वटा वडाका कृषक समुहलाई सो पावर टिलर वितरण गरेको हो ।
नगरपालिकाका प्रमुख खड्ग फागो र उपप्रमुख लक्ष्मीदेवी भण्डारीले कृषक समुहलाई सो पावर टिलर वितरण गर्नुभएको थियो । कृषि शाखाका अधिकृत अम्बिकाप्रसाद लुईँटेलका अनुसार उर्लाबारी वडा नम्बर १, ४,५,६,७ र ९ का कृषक समुहलाई एक/एक वटा तथा वडा नम्बर २ र ८ का कृषक समुहलाई दुई/दुई वठा पावर टिलर वितरण गरिएको हो । यस्तै उर्लाबारी च्याउ उत्पादक समुहलाई एक थान च्यापकटर मेसिन पनि हस्तान्तरण गरिएको थियो ।
