सुर्खेत । ट्राफिक प्रहरीलाई ५ सय रुपैयाँ घुस दिन खोज्ने मोटरसाईकल चालकसहित २ जनालाई पक्राउ गरिएको छ । पश्चिम सुर्खेतको पञ्चपुरी नगरपालिकाको पाल बजारमा सवारी चेकजाँच गर्ने क्रममा घुस दिन खोजेपछि पक्राउ गरिएको हो ।
पक्राउ पर्नेमा पञ्चपुरी नगरपालिका –१० का मोटरसाईकल चालक चक्र टमटा र मोटरसाईकल पछाडी सवार सोही ठाउँका धर्म तिवारी रहेका छन् । भे ३ प ९०७९ नं. मोटरसाईकल सवार उनीहरुले ट्राफिकलाई आर्थिक प्रलोभन देखाएपछि तत्काल पक्राउ गरी आवश्यक कानुनी कारवाहीको लागि इप्रका बाबियाचौर बुझाइएको सुर्खेत ट्राफिकले बताएको छ ।
