काठमाडौं, १३ फागुन, बलिउड सुपर नायिका श्रीदेवीको निधन भएको छ ।
५४ वर्षीया श्रीदेवीको हृदयाघातका कारण निधन भएको हो ।
दुबईमा आयोजना भएको एक विवाह समारोहमा सहभागी भइरहेका बेला उनको हृदयाघातका कारण निधन भएको हो ।
श्रीमान् बोनी कपूर र छोरी खुशीका साथ विवाह समारोहमा सहभागी भइरहेको बेला उनलाई हृदयाघात भएको हो ।
सन् १९६३ मा तमिलनाडुमा जन्मिएकी श्रीदेवी १९७५ देखि बलिउडमा रहेकी छिन् । उनको डेब्यू फिल्म जुली हो ।
उनले तमिल, तेलेगु, मलायाम, कनादा र हिन्दी चलचित्रमा अभिनय गरेकी थिइन् ।
उनी बलिउडकी चर्चित नायिक थिइन् । उनले ३ सय वटा चलचित्रमा काम गरिसकेकी थिइन् ।
सन् १९९७ मा चलचित्र ‘जुधाई’मा अभिनय गरेपछि उनी चलचित्र क्षेत्रबाट करिब १५ वर्ष बाहिरै बसेकी थिइन् ।
उनको अन्तिम चलचित्र सन् २०१७ को जुलाइ ७ मा रिलिज भएको ‘माँम’ हो ।
सन् २०१७ मा श्रीदेवीको चलचित्र ‘माम’ रिलिज भएको थियो । श्रीदेवीको यो ३०० औं चलचित्र हो ।
