उर्लाबारी, ११ चैत
झापाको दमक नगरपालिका वडा नं. ६ मा रहेको स्वणर्लक्ष्मी बचत तथा ऋण सहकारी संस्था लिमिटेडले उर्लाबारी - ७ इटहरा रोडमा पनि सेवा केन्द्र सञ्चालनमा ल्याएको छ ।
सो सहकारीको १२ औँ स्थापना दिवसको अवसर पारेर उर्लाबारीमा पनि सेवा केन्द्र सञ्चालनमा ल्याएको हो । मंगलबार नै झापाको झिलझिलेमा पनि सो सहकारीको सेवा केन्द्र सञ्चालनमा आएको छ ।
उर्लाबारी नगरपालिकाका प्रमुख खड्ग फागोले सेवा केन्द्र उद्घाटन गर्दै सहकारीको नीति, पद्धति भित्र
रहेर सेयर सदस्यहरुलाई सेवा दिनुपर्नेमा जोड दिएका छन् । आगामी वर्षमा शेयर सदस्यहरुको विश्वास जित्दै सहकारी अघि बढ्नुपर्ने भन्दै शूभकामना दिएका छन् ।
नगरपालिकाले पनि सहकारी ऐन निर्माण गरेको बताउँँदै नगर प्रमुख फागोले मुनाफाको १ प्रतिशत नगरमा सामाजिक सेवामा खर्च गर्नै पर्ने बताएका छन् । उनले एक ब्यक्ति, एक सहकारीको अवधारणालाई पनि
लिएर अघि बढ्न सुझाब दिएका
छन् ।
त्यसैगरी उर्लाबारी उद्योग वाणिज्य संघका अध्यक्ष प्रितम खड्गीले कोभिड १९ का कारण
नगरका व्यवसायी मारमा परेको भन्दै सहकारीले यहाँका व्यवसायीलाई
सरल र सर्वसुलभ रुपमा कर्जा प्रवाह गर्न आग्रह गरेका छन् ।
कार्यक्रममा सहकारी अभियन्ता तेजकुमार रिजालले सेयर सदस्यहरुलाई विश्वासमा लिएर सहकारी अघि बढे सफलता हात पार्ने बताएका छन् । कार्यक्रममा संस्थाका सचिव बुद्धिसागर बरालले स्वागत मन्तव्य राखेका
थिए । दमक नगरपालिका - ६ मा केन्द्रीय कार्यालय रहेको सो सहकारीले २०६६ साल चैत ११ गतेबाट सेवा सुरवात गरेको हो ।
संस्थाको हाल कारोबार १ अर्ब १३ करोड बढी रहेको व्यवस्थापक कमलकुमार घिमिरेले जानकारी दिएका छन् । सो सहकारीको फागुन मसान्तसम्म शेयर पूँजी ९ करोड २ लाख ६९ हजार ७ सय रुपैयाँ, बचत निक्षेप ६३ करोड २९ लाख ८५ हजार ७ सय ७५, ऋण लगानी ८० करोड १३ लाख ५९ हजार ५९ रुपैयाँ , कोष हिसाब ७
करोड ७० लाख १३ हजार २९५
रहेको कोषाध्यक्ष चन्द्रमाया निरौला
(जमुना) ले जानकारी दिएकी
छन् ।
सो सहकारीमा हाल ५ हजार ७९६ जना शेयर सदस्य रहेका छन् । हाल केन्द्रीय कार्यालय दमक, सेवा केन्द्रहरु उर्लाबारी र झिलझिलेबाट सेवा दिँदै आएको छ भने यस वर्षसम्म ७ वटा सेवा केन्द्र खोल्ने तयारी छ । आगामी १० वर्षसम्ममा ४० वटा सेवा केन्द्र कार्यालय खोल्ने लक्ष्य रहेको अध्यक्ष रवि न्यौपानेले जानकारी दिएका छन् । उनका अनुसार हाल सहकारीमा ४५ जना कर्मचारी कार्यरत रहेका छन् । सो सहकारीले भूकम्प, आगलागी, बाढी, कोरोना संक्रमण, दृष्टिबिहीन, क्यान्सर रोग लगायतका पीडितलाई राहत समेत प्रदान गर्दै आएको छ ।राष्ट्रिय समाचार पत्र दैनिकबाट साभार
