मोरङ । मोरङको पथरी शनिश्चरे स्थित भुटानी शरणार्थी शिविरमा आयोजित प्रथम नगर स्तरीय फुटबल प्रतियोगिता–२०७७ को आज फाइनल खेल हुँदैछ ।
हिजो भएको अन्तिम सेमि फाइनल खेलमा टाइब्रेकरमा भुटानी शरणार्थी शिविर बेलडाँगी झापालाई पाराजित गर्दै वडा नम्बर ८ फाइनलमा प्रवेश ग¥यो । खेल अवधिमा झापा बेलडाँगि शरणार्थी शिविरको तर्फबाट अन्जान गुरुङ र ८ नम्बर वडाका खेलाडि सुरज राउतले गोल गर्दै एक बराबरीमा समय सकिएको थियो ।
टाइब्रेकरमा पथरी शनिश्चरे ८ मोरङले बेलगाडि झापालाई ५–३ गोल अन्तरले पराजित गर्दै फाइनलमा प्रवेश गरेको हो । पथरीशनिश्चरे ८ का लागि एली लिम्बू, सौरज राउत, महेन्द्र मगर, समिर याक्खा र तिर्थराज बस्नेतले गोल गरेका थिए ।
बेलडागि झापाको तर्फबाट अभिशेक राई, श्याम प्रधान र राउल लिम्बूले गोल गरेपनि अन्जन गुरुङले प्रहार गरेको गोल पोष्ट बाहिरिएपछि पराजित स्वीकार्नु परेको थियो । खेलको म्यान आफ द म्याच खेल विजेता ८ नम्बर वडाका खेलाडि सौरज राउत घोषित भए । उनलाई कार्यक्रमको प्रमुख अतिथि समाजसेवी प्रदिपकुमार राईको हातबाट पुरस्कार प्रदान गरिएको थियो । उपाधिको लागि पथरीशनिश्चरे ३ र ८ वीच आज अपरान्ह प्रतिष्पर्धा हुदैछ ।
