• आर्सनललाई उसैको घरेलु मैदानमा हराउँदे लिभरपुलले प्रिमियर लिगको शीर्ष चारमा रहने सम्भावना कायम राखेको छ । आर्सनललाई ३–० ले हराउँदै लिभरपुल चौथो स्थानमा रहेको चेल्सीभन्दा मात्र २ अंकले पछि रहेको छ ।

    खेलमा आर्सलनमाथि पुरै दबाब बनाएको लिभरपुलले पहिलो गोलका लागि भने ६४ औँ  मिनेटसम्म पर्खनु परेको थियो । डिएगो जोटाले गोल गर्दै लिभरपुललाई अग्रता दिलाए भने मोहमद शलाहले चार मिनेटपछि अग्रता दोब्बर बनाए । जोटाले ८२ औँ मिनेटमा अर्को गोल गर्दै लिभरपुलको जीत सुनिश्चित गरे ।

    ३० खेलपछि पाँचौ स्थानमा रहेको लिभरपुलको ४९ अंक रहेको छ भने आर्सनल ३५ अंकसहित नवौँ स्थानमा सिमित छ 


    शनिबार नै भएको खेलमा चौथो स्थानमा रहेको चेल्सी वेस्ट ब्रोमिच आल्बियोनसँग आफ्नै घरेलु मैदानमा २–५ गोलले स्तब्ध बन्यो । खेलको २७ औँ मिनेटमा क्रिस्टिन पुलिसिचको गोलको मद्दतले अग्रता लिएको चेल्सीले दुई मिनेट पछि दोस्रो पहेँलो कार्ड खाएका थियागो सिल्भालाई गुमायो । त्यसपछि भने वेस्ट ब्रोमले चेल्सीमाथि गोलको वर्षा गर्यो ।

    माथेयस परेराले पहिलो हाफको इन्जुरी समयमा दुई गोल गर्दै वेस्ट ब्रोमलाई अग्रता दिलाए । क्यालम रोबिनसनले खेलको ६३ औँ मिनेटमा गोल गर्दै टोलीको अग्रता फराकिलो बनाए । मबाय डियाग्नेले खेलको ६८ औँ मिनेटमा गोल गर्दै स्थिति ४–१ मा पुर्याए ।

    मेसन माउन्टले ७१ औँ मिनेटमा गोल गर्दै चेल्सीलाई खेलमा फर्काउने प्रयास गरे पनि रोबिनसनले इन्जुरी समयमा गोल गर्दै वेस्ट ब्रोमको जीत सुनिश्चित गरे ।

    नयाँ प्रशिक्षक थोमस टुकलको नेतृत्वमा यसअघि चेल्सी १४ खेलमा अपराजित रहेको थियो । ३० खेलपछि चेल्सीको ५१ अंक रहेको छ ।

     

सम्वन्धित समाचार

मोरङ । नेपाली कांग्रेसको १४ औ महाधिवशन अन्तरगर्तको मोरङ जिल्लाभर आज वडाहरुमा उमेद्वार मनोनयन दर्ता हुँदैछ…

मोरङ । पार्टी बिभाजनपछि आफूलाई बलियो ठान्दै आएको नेकपा (एमाले) कानेपोखरीमा विद्रोह गर्दै शनिबार नेकपा (…

मोरङ । पथरी उद्योग वाणिज्य संघको निर्वाचनमा संयुक्त  प्यानलको तर्फबाट उमेद्वार बनेका धनकुमार तामाङ अध्…

मोरङ । नेत्रविक्रम चन्द (बिप्लव)ले नेतृत्व गरेको नेपाल कम्युनिष्ट पार्टी (नेकपा)ले मंगलबार भ्रष्टचार र बैदेशि…