तेह्रथुम / आगोमा जलेर तेह्रथुममा एक जना वृद्धाको मृत्यु भएको छ । म्याङलुङ नगरपालिका– ३ नागदह बस्ने ७२ बर्षीया फुलमाया ढुंगानाको आगोले जलेर मृत्यु भएको हो ।
सोमबार बिहान घर नजिकै आफ्नै बारीमा सुकेका झ्यास, झिक्रा डढाउने क्रममा सो आगो नजिकै रहेको बासझ्याङमा पुगेको थियो ।बासझ्याङमा आगो सल्किएपछि निभाउने क्रममा सोही बासझ्याङमा खोल्सी परेको स्थानमा फुलमायाको शरीरको कपडा पुर्णरुपमा जलिसकी मृत अवस्थामा फेला परेको जिल्ला प्रहरी कार्यालय तेह्रथुमले जनाएको छ ।घटना सम्बन्धमा थप अनुसन्धान भईरहेको सो कार्यालयले जनाएको छ
