उर्लाबारी/मोरङको उर्लाबारी–५ स्थित सुनगाभा बोर्डिङ स्कुलका प्रावि इन्चार्ज होमकुमार परियारले अशक्त श्रेष्ठ दम्पत्तिलाई खाद्यान्य सहयोग गरेका छन् ।
बिहीबार इन्चार्ज परियारले आफ्नो २९ औं जन्मउत्सवको अवसरमा उर्लाबारी–७ का अशक्त दम्पत्ति कमल र कमला श्रेष्ठलाई चामललगायत दैनिक उपभोग वस्तुहरु सहयोग गरेका हुन् । अशक्त दम्पत्तिलाई आफ्नो जन्मउत्सवको अवसरमा सानो भएपनि सहयोग गर्न पाउँदा ज्यादै खुशी लागेको उनले बताएका छन् । आगामी दिनमा पनि आफूले सकेको सहयोग गर्ने उनले बचन दिएका छन् ।
सञ्चार क्लब नेपालका अध्यक्ष घनश्याम भण्डारी र नेपाल पत्रकार महासंघ मोरङका सदस्य सरोज बस्नेत उपस्थितिमा परियारले कमललाई खाद्य साम्रगी हस्तान्तरण गरेका छन् । कमल प्यारालाइसबाट थलिएका छन् भने कमला शारीरिक रुपमा अशक्त छिन् ।
कमलाले मागेर ल्याई पति कमलको जीविकोपार्जन गराउँदै आएकी छिन् । यसअघि न्यानो अभियान नेपाल उर्लाबारीको संयोजनमा दुई कोठाको पक्की घर निर्माण गरिएको थियो । घर निर्माणपछि फुस पानी चुहिने घरबाट पक्कीमा एक बर्षअघि सरेका थिए ।
