• काठमाडौं, २८ बैशाख । नेपाली कांग्रेसको नेतृत्वमा नयाँ सरकार गठनको लागि कांग्रेस सभापति शेरबहादुर देउवा र एमाले नेता माधव कुमार नेपालबीच सहमति भएको छ । त्यसको लागि नेपाल पक्षधर २८ जना सांसदले नै राजीनामा दिने भएका छन् । प्रधानमन्त्री केपी शर्मा ओलीले विश्वासको मत लिन असफल भएपछि राष्ट्रपति विद्यादेवी भण्डारीले बैशाख ३० गते राति ९ बजेसम्म संविधानको धारा ७६ को २ अनुसार नयाँ सरकार गठनको लागि दलहरुलाई आह्वान गरेकी छिन् ।

    कांग्रेसले माओवादी केन्द्र र जसपाको समर्थनमा नयाँ सरकार गठन गर्ने गृहकार्य थालेको छ । तर, जसपाको सिंगो साथ नपाउने भएपछि कांग्रेस सभापति देउवाले माधव नेपाल पक्षको साथ खोजेका हुन् । नेपाल पक्षधर सबै सांसदले राजीनामा दिए उपनिर्वाचन गराएर उनीहरु सबैलाई जिताएर ल्याउने देउवाले नेता नेपाललाई वचन दिएका छन् । हिजो राति अवेरसम्म देउवा निवासमा माधव नेपाल र भीम रावलले गोप्य भेटवार्ता गरेका थिए ।

    देउवालाई प्रधानमन्त्री बनाउनको लागि आवश्यक सहयोग गर्ने वचन नेता नेपालले दिईसकेका छन् । विश्वस्त सूत्रकाअनुसार नेपाल पक्षका २७ गते संसद बैठकमा अनुपस्थित् सबै सांसदले भोलि विहान ९ बजेसम्म सामूहिक राजीनामा दिनेगरि गृहकार्य थालेका छन् । तर, देउवा र नेपालबीच एक वर्षपछि चुनाव गराउने र उक्त चुनावी सरकारको नेतृत्व नेपालले गर्नेबारे पनि सहमति भएको छ ।

    तत्काल माधव नेपाल पक्षका कम्तिमा ६ जनालाई मन्त्री बनाउनपनि देउवा राजी भएका छन् । नेपाल पक्षधर सांसदहरु अब अध्यक्ष ओलीसँग सम्झौता गर्ने पक्षमा छैनन् । यसको संकेत आज विाहन नेता घनश्याम भुषालको सार्वजनिक टिप्पणीले पनि गरिसकेको छ । उनले ओलीसँग अब आत्मसर्मण नगर्ने बताईसकेका छन् । – रिपोर्टस नेपालबाट साभार

सम्वन्धित समाचार

भदौ २५ गते सम्पन्न वडा सम्मेलनले माओवादी केन्द्र मिक्लाजुङ्ग १ को वडा  कमिटी सर्वसम्मत रुपमा चयन गरेको …

भदौ १९ गते माओवादी केन्द्र मिक्लाजुङ्ग ९ को वडा भेलाले गौरी कान्त लम्साल संयोजक र खगेन्द्र दाहाल सहसंयोजक र…

सिन्धुपाल्चोक जिल्ला भोटेकोसी गाउँपालिका वडा नम्बर १ को १ गाउँ पुरै माओवादीमा प्रबेश गरेको छ । द लास्ट रि…

नेकपा माओवादी केन्द्र मिक्लाजुङ्गले सहिद परिवारलाई सम्मान गरेको छ। महान जनयुद्धको समयमा सहिद हुनुभएको महे…