सदाबहार अभिनेता भुवन केसी अभिनित सिनेमा ‘मिस्टर नेपाली’ युट्युबमा प्रदर्शन भएको छ । सिनेमामा अभिनेता केसीले दोहोरो भुमिका निवार्ह गरेका छन् ।
विदेशमा बस्ने नेपालीको देशप्रतिको माया र गाउँमा राजनीति माथि टेकेर हुने शोषण आदि कथाबस्तुलाई प्रस्तुत गरेको सिनेमाबाट साहिल श्रेष्ठ र कुसुम राउतले डेब्यु गरेका छन् । देव भुषालले सिनेमाको कथा, पटकथा र निर्देशनमा काम गरेका छन् ।
सिनेमामा बिष्णु सापकोटा, रवि डंगोल, कमलमणी नेपाल, नन्दु श्रीवास्तव, रीमा विश्वकर्माको पनि अभिनय छ । प्रेमराज दाहालले लगानी रहेको सिनेमामा कविराज गहतराजले कोरियोग्राफी गरेका छन् ।
