• मोरङ । मोरङको कानेपोखरी स्थित ग्रामिण सुधार सामुदायिक वन उपभोक्ता समूहले सात हेक्टर क्षेत्रमा बिरुवा रोप्ने भएको छ । 

    बुधबार बृक्ष रोपन कार्यक्रम गरी औपचारिक उद्घाटन गरेको छ । उद्घाटन कार्यक्रममा कानेपोखरी गाउँपालिका प्रमुख ताराबहादुर काफ्ले, सामुदायिक वन उपभोक्ता वन महासंघको १ नम्बर प्रदेश समिति सचिव अग्नि पौडेल, मोरङ जिल्ला अध्यक्ष रामकृष्ण राई, डिभिजन वन कार्यालय मोरङका प्रमुख अनिरुद्र साहा, ग्रामिण सुधार सामुदायिक वन उपभोक्ता समूहका अध्यक्ष नवीन राई लगायतको उपस्थितिमा वृक्ष रोपनको उद्घाटन भएको थियो । 

    उद्घाट कार्यक्रमको सभापतित्व ग्रामिण सुधार सामुदायिक वन उपभोक्ता समूह ३ नम्बर क्षेत्रीय समितिको संयोजक शेरबहादुर लम्बूले गरेका थिए । 
    कानेपोखरी गाउँपालिका ६ सुन्तले उत्तरमा वृक्ष रोपनको लागि झाडी सफाई, रुखको पुरानो जरा उखल्ने, जोत्नुको साथै कंक्रिटको पिलरको खम्बा र जालिले सात हेक्टर क्षेत्र घेराबारा गरिएको छ । 
    उक्त क्षेत्रमा साल, टिक, जमुन, फरिन, बेल, चाँप, रुद्राक्ष, अम्बा जातको १६ हजार विरुवा पोपिने ३ नम्बर क्षेत्रीय समितिको संयोजक शेरबहादुर लिम्बूले बताए । वृक्ष रोपनको लागि २१ लाखको योजना रहेको ग्रामिण सुधार सामुदायिक वनले जनाएको छ । 

    कार्यक्रमको प्रमुख अतिथि समेत रहेका पालिका प्रमुख ताराबहादुर काफ्लेले विरुवा जगाउने कार्यक्रमा लाग्न उपभोक्ताहरुलाई अनुरोध गरेका थिए । पालिकामा वन ऐन बनिसकेको समेत जानकारी दिए । विषेश अतिथिको रुपमा उपस्थित डिभिजन वन कार्यालय मोरङका प्रमुख अनिरुद्र साहाले विरुवा चाँडो बढाउन मल्टी भिटामिन दिन र वृक्ष रोपन क्षेत्रमा दाल जातको खेति लगाए उत्तम हुने सुझाव दिएका छन् । 
     

सम्वन्धित समाचार

मोरङ । आर्थिक हिनामिन र पार्टीको आन्तरिक गोपनियता भंग गरेको भन्दै मोरङ जिल्ला सदस्य लक्ष्मण न्यौपानलाई साधार…

मोरङ । मोरङको पथरीशनिश्चरे स्थित पथरी उद्योग वाणिज्य संघको निर्वाचनको कार्यक्रम मंगलबार सार्वजनिक भएको छ ।&…

मोरङ । मोरङको पथरीशनिश्चरे नगर स्थित सव डिभिजन वन कार्यालयले आफ्नो क्षेत्रमा रहेको अबैध काष्ठजन्य उद्योगहर…

मोरङ । नेपाल आदिबासी जनजाति पत्रकार महासंघ (फोनिज) १ नम्बर प्रदेश समितिले आदिबासी जनजातिको मुद्धामा कलम…