१५ फागुन २०७४
भीमराज अधिकारी, मोरङ
नेपाल विद्यार्थी संघ मचिन्द्र मावि केराबारीको आयोजनामा जारी नकआउट फुड्बल खेल अन्तरगत मंगलबार फाइनल खेल हुदैँ छ । मच्चिन्द्र मावि केराबारीको खेल मैदानमा जारी अन्तर मावि स्तरीय खेलको मंगलबार फाइनल हुने भएको हो । फाइनल खेलमा मिनिल्याण्ड एकेडेमी केराबारी र लक्ष्मी मावि लेटाङ बिच हुने आयोजकले जानकारी दिएको छ ।
सोमबार भएको सेमिफाइनल खेलमा लक्ष्मी माविले सार्वजनिक मावि केराबारीलाई १–० गोल अन्तरले हराएपछि लक्ष्मी माविले फाइनल खेल तय गरेको हो । लक्ष्मीका तर्फबाट मौषम मल्लले १ गोल गरेका थिए ।
आइतबारको पहिलो सेमीफाइनल खेलमा के यू एकाडेमीलाई १–० गोल अन्तरले पराजीत गर्दै मिनिल्याण्डले फाइनल तय गरिसकेको छ । खेलको बिजेता टिमले ३० हजार नगद र उप बिजेता टिमले २० हजार नगद सहित ट्रफी, मेडल र प्रमाण पत्र पाउने छन् ।
