मोरङ । भुटानी ब्वाइज क्लवलाई पराजित गर्दै मोरङ्गको पथरी शनिश्चरेमा जारी पिट्सबर्ग च्यालेन्ज कप फुटबल प्रतियोगितामा खेलमा विराटनगर फुटबल क्लब मोरङ्ग दोस्रो चरणमा प्रवेश गरेको छ ।
बिहिबारको खेलमा भूटानी ब्वाइज् क्लबलाई १–० गोल अन्तरले पराजित गर्दै विराटनगर बिजय भएको हो ।
विराटनगरको तर्फबाट दोस्रो हापको ४७ औँ मिनेटमा साजन राईले निर्णायक गोल गरेको हो । खेलको मेन अफ द म्याच विराटनगरका कमल खवास घोषित भए । सुक्रबार (आज)को खेल लेटाङ फुटबल क्लब र पथरी फुटबल क्लबवीच हुने आयोजक समितिको संयोजक गणेश लिम्बूले बताए ।
थ्री रिभर्स एफसी अमेरिकाको आयोजनामा सुरु प्रतियोगितामा झापा, मोरङ र सुनसरीको ९ र भुटानी शरणार्थीको एक टिम गरी १० टिमले सहभागिता जनाउँदैछन ।
