बिजय धिमाल
मोरङ ÷ मोरङ पथरीशनिश्चरेको डाँस मोरङ्गी सामुदायिक वन क्षेत्रमा गुप्ताङ्ग (योनि)मा रगतसहित फेला परेकी १९ बर्षिय किशोरीको उपचारको क्रममा मृत्यु भएको छ ।
मोरङ सुन्दरहरैचा नगरपालिका १ स्थित काका डिल्लिराम आचार्यको घरमा बसेर कृषि सम्बन्धी अध्ययन गर्दै आएकी १९ बर्षिय कमला आचार्यको १३ गते (मंगलबार) अपरान्ह करिव १ बजे मुख्य सडक दक्षिणमा जंगलमा फेला परेकी थिइन ।
आचार्य काकाको घरबाट तीन दिन अघि (१० गते) हिडेकी थिइन । जंगलमा एक्लै पानी पानी भन्दै चिच्याइरहेकी किशोरी आचार्यलाई घाँस दाउरा गर्न गएकाहरुले भेटेर प्रहरी बोलाएर उद्दारको प्रयास भएका थिए । प्रहरीले किशोरीलाई तत्काल पथरीको मोरङ डाइग्नोष्टिक अस्पताल भार्न गरेको थियो । पथरी अस्पतालमा आफन्तले लुगा फेर्दिन खोज्दा गुप्ताङ्गमा ब्लड देखिएको थियो ।
जंगलमै हिरिक, हिरिक गर्दै गरेको अवस्थामा फेला परेकी कमलाले आफूले मुसालाई दिने बिष सेवन गरेको बताएकी थिइन । किन बिष सेवन गरेकी हुन सोध्ने क्रममै बेहोस भएपछि आचार्यलाई थप उपचारको लागि विराट नर्सिङ होम, बिराटनगर लगिएको थियो । उपचारको क्रममा १४ गते बिहान मृत्यु भएको प्रहरीले जनाएको छ ।
स्थायी घर खोटाङको दिक्तेल रुपाकोट मझुवागढी नगरपालिका १ भएकी कमला आचार्य कृषि विषय अध्ययन गर्दै आएकी थिइन । कानेपोखरी जंगलमा एक्लै युवति किन, आएकी थिइन ? यी लगायतको बिषयमा जिल्ला प्रहरी कार्यालय मोरङले अनुसन्धान गरिरहेको प्रहरीले जनाएको छ । मृतक युवतिको शव पोस्टमार्टम दाह सस्ककार भएको आफन्तले जनाएको छ ।
