मुगु, २५ माघ
छायानाथ रारा नगरपालिका-४ का वडा अध्यक्ष विष्णुकुमार भामले मंगलबार एक कार्यक्रमका बीच १ सय ८७ जना दलित विद्यार्थीलाई शैक्षिक सामग्री सहयोग गरेका छन् ।
आर्थिक अवस्था न्यून भएका दलित, गरिब, विपन्न परिवारको पहिचान गरी भामले छायानाथ रारा नगरपालिकाका-१३ का रुगा, लापु, थार्पका १ सय ८७ जना दलित विद्यार्थीलाई शैक्षिक सामग्री सहयोग गरेका हुन् ।
वडा अध्यक्ष भामले आफूले पाएको बैठक भत्ता र घर परिवारको बचत रकमबाट दलित परिवारका बालबालिकालाई सहयोग गरेको बताएका छन् । वडा अध्यक्ष भामले कापी, कलमलगायत सामग्री सहयोग गरेका थिए ।
