मोरङ । पुरस्कार वितरण, सम्मान तथा सांस्कृतिक कार्यक्रमको आयोजना गरी आज मोरङको पथरीशनिश्चरे—२ मा रहेको चिनारी अंग्रेजी बोर्डिङ स्कुलको १४ औं अभिभावक दिवस समापन भएको छ ।
संस्थापक वीरेन्द्रकुमार साम्बा लिम्बूको सभापतित्वमा भएको कार्यक्रम विद्यार्थीहरुले नृत्य, गीत, नाटक, प्रहर्शन, रचना वाचन गर्नुको साथै उत्कृष्ट शिक्षिका पुनम मगरलाई नगदसहित सम्मान र पुरस्कार वितरण कार्यक्रम गरी दिवस मनाएको हो ।
प्याब्सन मोरङका अध्यक्ष नारायण ढकालको प्रमुख आतिथ्यतामा भएको कार्यक्रममा पथरीशनिश्चरे नगरपालिका—३ का अध्यक्ष बिजय लिम्बू, २ नं. वडा सदस्य चन्द्रकुमार राई लगायतको उपस्थिति रहेको थियो ।
स्कुलका संस्थापक तिर्थ खतिवडा, सोमनाथ नेपाल लगायत अभिभावक तथा विद्यार्थीहरुको उपस्थिति रहेको कार्यक्रम प्रिन्सिपल गजेन्द्र साम्बाले सञ्चालन गरेका थिए ।
