मोरङ । मोरङको पथरीशनिश्चरे नगर स्थित भुटानी शरणार्थी शिविरमा आगलागि हुँदा शरणार्थी बस्दै आएको तीन वडा टहरा (बासस्थान) लगेर नष्ट भएको छ ।
शिविरको सेक्टर ‘ए’ १ हट नं. १९ का तिलक राई र उनको छोराहरुको पुरानो तीन वटा टहराहरु जलेर नष्ट भएको हो ।
आज (सोमबार) अपरान्ह करिव साढे ३ बजे बंगुरको चारो पकाउने टहरामा राखिएको दाउराबाट आगो लागेको पीडित परिवारले जनाएको छ । आगलागिबाट तिलक राईका हट (बासस्थान)को साथै दुई छोरा रामचन्द्र र लक्ष्मण राईको टहराहरु जलेको छ ।
सो स्थानमा रहेका ३ वटा परिवारको टहराहरू त्यहाँ भएका सम्पूर्ण सामान जलेर नष्ट भएको हो । आगलाडिबाट खाद्यन्न, कपडा, दुई वटा साईकल, थालभाँडा, तीन वटा मोवाइल, गरगहना र चार लाख नगद लगायत ९ लाख बढीको धनमाल जलेर नष्ट भएको पीडित परिवारले जनाएको छ । आगो निभाउन उर्लाबारी, बेलवारी, दमक नगरपालिकबाट दमकल आएको थियो । दमकल आउनु अघि नै छाप्राहरु जलेर नष्ट भइसकेको थियो ।
