मोरङ । मोरङको पथरीशनिश्चरे नगरमा जारी ‘इन्ट्रा पथरीशनिश्चरे फुटबल प्रिमियर लिग’को सुक्रबार भएको खेलमा वाईएफसी (भुटानी शरणार्थी) टिमलाई ३–१ गोल अन्तरले पराजित डिफेन्डिङ च्याम्पियन टेन नवोदयले ३ अंक प्राप्त गरेको छ ।
खेल सुरु भएको ३३ औं मिनेटमा डिफेन्डिङ च्याम्पियन टेन नवोदयका खेलाडी बिबेक लिम्बूले पहिलो गोल गर्दै आफ्नो टिमलाई अघि बढाएका थिए । दोस्रो हापको १३ औं मिनेटमा वाईएफसीका भीषन राईले १ गोल फर्काउदै खेल फर्काउने प्रयास गरेका थिए ।
खेलको २९ मिनेटमा वाईएफसीका सुबास राई र ३७ औ मिनेटमा अमृत राईले आत्माघाती गोल गरेपछि टेन वनोदय फराकिलो गोल अन्तरले बिजयी गरेको हो । आजको खेलको म्यान आफ द म्याच टेन नवोदयका गोल कर्ता बिबेक लिम्बू घोषित भए । लिम्बूलाई पथरी उद्योगा वाणिज्य संघको अध्यक्ष धनकुमार तामाङको हातबाट नगद ३ हजार र ट्रफि प्रदान गरिएको थियो ।
भोली शनिबारको खेल ग्रुप बीको देविगञ्ज र सिरिजंङ्गा एफसीवीच प्रतियोगिताको तेस्रो खेलहुने आयोजक समितिको उपाध्यक्ष बिक्की राईले बताए । बिहिबारको खेलमा वाईजीएफटीलाई पराजित गर्दै शिखर एफसीले ३ अंक प्राप्त गरेको थियो ।
