काठमाडौं,१७ फागुन । भारतबाट हिन्दु सम्राटको हैसियतको सम्मान स्वीकार गरेर फर्केका पूर्वराजा २० गते झापा जाने भएका छन् ।
पूर्वाञ्चल र मध्यमाञ्चलको धार्मिक भ्रमणमा निस्कन लागेका पूर्वराजाले फागुन ७ को परम्परागत सन्देशमा २०६३ साल वैशाख ११ गते भएको राजनीतिक सम्झौताको पालना गरेको खोई ? भनेर राजनीतिक दलहरुलाई प्रश्न गरेका थिए ।
अहिलेसम्मकै कडा प्रश्न गरेका पूर्वराजा त्यसपछि मौन थिए, २० गते झापा जाने भएपछि प्रधानमन्त्रीको निर्वाचन क्षेत्रका जनताले राजा आउ देश बचाउ भन्ने नारा लगाउने पक्का छ । स्रोतका अनुसार यस्तो तैयारी झापातिर जोडतोडले भइरहेको छ ।
सिंहदरवारतिर गणतन्त्र जिन्दावाद, झापातिर राजतन्त्र जिन्दावाद । के हुनलाग्यो यो देशमा ?
प्रधानमन्त्री हिन्दु, राजतन्त्र र अन्य राजनीतिक शक्तिहरुलाई सहमतिको मार्गमा ल्याएर अगाडि बढ्न सक्लान् ?
यो चुनौति अझ गहिरिने छ, किनभने विप्लव कम्यूनिष्टले भण्डाफोर र जनसरकारलाई अझ सक्रिय पारेको खबर छ ।
