टुडिखेलमा किन उर्लियो भिड ? रवी भन्छन्- भ्रम तोड्न

काठमाडौँ । बुद्ध नेपालमा जन्मेको तथ्य थप प्रचार गर्न शनिबार टुडिखेलमा वृहद उपस्थितिमा बुद्ध वचन पढिएको छ । मञ्चबाट बुद्ध वचन उच्चारण गर्नेमा यतिबेलाका चर्चित पत्रकार रवी लामिछाने पनि एक थिए ।



एकै मञ्चमा एकै पटक 'बुद्ध वचन' पढेर विश्व रेकर्ड राख्ने प्रयास अन्तर्गत शनिबार राजधानीको  टुडिखेलमा मानव सागर उर्लिएको हो । बुद्ध वचन एक स्वरले वाचन गरिएको थियो । मञ्चबाट बुद्ध वचन उच्चार गर्नेमा पत्रकार रवि लामिछाने समेत देखिएका हुन् ।



उनै लामिछानेले टुडिखेलको कार्यक्रम पछि ट्वीटरमा एक स्टाटस अपडेट गरेका छन्, जहा उनले आफ्नो तस्बिर सहित यस्तो विवरण लेखेका छन् -

-एकैपटक ७५हजार मानिस जम्मा भएर बुद्ध वचन "धम्मपद" बाचन गरि विश्व कीर्तिमानकालागि दर्ज भएको छ। यो प्रयास बुद्ध नेपालमा जन्मेका हुन् भन्ने प्रमाणित गर्न होइन।यो त युनेस्कोले उहिले नै प्रमाणित गरिसक्यो। यो त  बुद्ध नेपालमा जन्मेका हुन भनेर प्रचार गर्न हो। संसारमा अझै भ्रम छ।