• बारा, १३ कात्तिक 

    एमालेबाट बारा क्षेत्र नम्बर १ कका प्रदेश सभा सदस्यका उम्मेदवार त्रिलोकीप्रसाद चौधरीले आफूलाई जनताले दिएको जिम्मेवारीलाई दिनरात नभनी पूरा गरेको बताएका छन ।

    २०७४ मा जनताले निर्वाचित गरेर पठाएपछि जनताकै चाहनाअनुरुप यस क्षेत्रको निम्ति ज्येष्ठ नागरिकदेखि, विभिन्न जाति, पिछडा वर्ग, अपङ्गता भएको व्यक्ति, महिला, सिमान्तकृत समुदाय, स्वास्थ्य, शिक्षा, विकास निर्माण तथा पर्यटनलगायत क्षेत्रमा काम गरेको भन्दै उनले आफू काममा विश्वास गर्ने व्यक्ति भएको हुँदा भोलिवादमा विश्वास नगर्ने बताए ।

    आफूले जनताले देखिने गरि चुस्त दुरुस्त ढंगबाट काम गर्न पहल गर्ने उनकाे भनाइ छ । 

     ‘यहाँ काम कम गर्ने र प्रचार धेरै गर्नेको आवज ठुलो हुदो रहेछ, प्रचारप्रसार गरेर साने कामलाई पनि ठुलो काम गरेको भन्नेको भिड छ । मलाई अचम्म लाग्छ, मैले गत ५ वर्षमा निकै काम गरेँ । तर,  प्रचारप्रसारमा ध्यान दिइँन, यो मेरो कमजाेरी रह्यो,’ प्रदेशसभा सदस्यका उम्मेदवार चौधरी भन्छन्, 'मैले यसअघिको कार्यकालमा गरेका बेलाको कामलाई हेर्नुस् । मैले अहिले बढाइचढाइ गरिराख्नु पर्दैन । त्यो सबैले देख्नुभएको छ ।'

    प्रदेशसभा सदस्यका उम्मेदवार चौधरीले आफू आश्वसन र झुटको राजनीति गर्न कहिल्यै नजान्ने र बोलेका कुराहरू पूरा गर्ने बताए । उनले आफ्नो निर्वाचन क्षेत्रको विकासको लागि शिक्षा, स्वास्थ्य, खानेपानी, सुकुम्बासी समस्यालगायतका क्षेत्रमा मुख्य रुपमा यो पटक काम गर्ने बताए ।

सम्वन्धित समाचार

धनगढी । सुदूरपश्चिम प्रदेशमा नयाँ सरकार बनाउन दाबि गर्ने समय आज सकिदै छ । प्रदेश प्रमुख नजिर मियाँले चैत…

काठमाडौँ । प्रमुख प्रतिपक्षी दल नेपाली कांग्रेसले प्रतिनिधिसभाको बैठक अवरोध गरेको छ । प्रतिनिधिसभाको बैठक…

काठमाडौँ । राष्ट्रिय प्रजातन्त्र पार्टी (राप्रपा) को जनप्रदर्शनमा झडप भएको छ । भृकुटीमण्डपबाट शुरु भएको रा…

नेकपा एमालेबाट इलाम-२ मा उम्मेदवार बनेका सुहाङ नेम्वाङले मनोनयन दर्ता गरेका छन् । सुहाङले नेता कार्यकर्ता…