२०७४ फागुन २० आइतवार
डोटी ; नेपाली कांग्रेसका कृष्णप्रसाद सिटौलाले अहिले नै सरकारको विरोध गर्न जरुरी नभएको बताएका छन् ।
पार्टी कार्यकर्तासँग भेटघाट गर्न आइतबार डोटी पुगेका सिटौलाले सय दिन हनीमुन अवधि हुने बताए ।
उनले भने त्यसपछि सरकार कसरी अगाडि बढ्छ त्यसै आधारमा समर्थन वा बिरोध हुन्छ ।
उनले अघि भने ओली र प्रचण्ड जीको हल गोरु छ यसले हलो तान्छ कि जुवा भाँचेर दुईतिर हुन्छन् त्यो हेर्न बाँकी छ ।
हामीले प्रचण्डलाई प्रधानमन्त्री बनायौं उनको छोरीलाई जितायौं र पनि उनलाई आफूसँगै राख्न सकेनौं महन्त ठाकुरलाई सघायौं उनले हामीमाथि नै आक्रमण गरे उनले अघि भन राजावादीलाई बोकेर मन्त्री बनायौ उनले उल्टो मलाई नै हराइदिए ।
उनले राष्ट्रपति निर्वाचनमा कांग्रेसले उम्मेदवारी दिने बताए ।
साथै सिटौलाले कांग्रेस निर्वाचनमा पराजित हुनुको मुख्य कारण रणनीतिगत असफलता भएको बताए ।
शक्ति संचयको दृष्टिले हामीमा रणनीतिक कौशलता भएन उनले भने कांग्रेस नयाँ परिस्थिति अनुसार विचार नीति र कार्यक्रमले परिवर्तन हुनुपर्छ ।
