उर्लाबारी फागुन २० गते । मोरङ मिक्लाजुङ गाउँपालिका (साबिक मधुमल्ला–२) वार्ड नं. ७ सिसौली निवास अन्दाजी ४४ बर्षिया शान्तिकला तामाङको विभत्स हत्या गरी फालेको अवस्थामा शव भेटिएको छ ।
मिक्लाजुङ– ७ बेलगौंडे उत्तर राम्री खोलाको पुल भन्दा करिब २०० मिटर निर्बस्त्र अवस्थामा मृतक तामाङकोे शब देखेपछि स्थानीयले प्रहरीलाई खबर गरेका थिए । प्रहरी घटनाको विषयमा अनुसन्धान गरिरहेको जनाएको छ । हत्या पश्चात अनुहार नचिनिने गरी ढुंगाले किच्याएर खोलामा फालिएको पाइएको छ । बलात्कार पछि तामाङको हत्या गरी फालिएको हुन सक्ने आशंका स्थानीयले गरेका छन् । घटना बारे अनुसन्धान भईरहेको इलाका प्रहरी कार्यालय मधमल्लाका प्रमुख किरण प्रसाईले जानकारी दिएका छन् ।
