मोरङ । मोरङको पथरीशनिश्चरे वडा नं २ को आयोजनामा शनिबारदेखि वडा स्तरीय खेलकुद सप्ताह सुरु भएको छ ।
नगर प्रमुख मोहनप्रसाद तुम्वापोको प्रमुख आतिथ्यतामा सप्ताह सुरु भएको हो । कार्यक्रम उद्घाटन गर्दै नगरप्रमुख तुम्वापोले खेलकुद र खेलाडीहरुको क्षमता वृद्धि जोड दिनुपर्ने बताए ।
कार्यक्रममा नगरउपप्रमुख देवीमाया काफ्ले, ईलाका प्रहरी कार्यालय पथरीका प्रमुख डिएसपी वेदप्रसाद गौतम लगायतको उपस्थिति रहेको थियो ।
खेलकुद सप्ताहमा टोल स्तरीय फुटबल, छेलो, बुद्धिचाल, दौड, नगर स्तरीय नकआउट क्रिकेट प्रतियोगिताको लगायत पाँच इभेन्टमा प्रतियोगिता हुने बताइएको छ ।
आज पुस ३० गतेदेखि सुरु भएको खेलकुद सप्ताह वडा को खेलकुद बजेट २ लाख ५० हजार रुपैयाँ समापन गर्ने कार्यक्रम रहेको २ नं. वडा अध्यक्ष नैना राईले बताए ।
