मोरङ । कोशी प्रदेश नामको समर्थक बस्ने प्रदेश सभा सदस्य निरन राईलाई शनिबार झापाको बिर्तामोडमा वंश गद्दार घोषणा गरेको छ ।
गत फागुन १७ गते सिक्मत कार्की नेतृत्वको प्रदेश सरकारको योजनामा रामबहादुर मगर प्रस्तावक राखेर १ नं. प्रदेशको नाम कोशी प्रस्ताव भएको थियो । सो प्रस्तावको समर्थक धनकुटाका प्रदेश सांसद निरन राई र भूमीप्रसाद राजवंशी रहेका थिए ।
कोशी नाम सदनबाट पारित भएसँगै प्रदेश १ मा खारेजीको मागसँगै आन्दोलन चलिरहेको छ । राई समुदायको कुलमा जन्मिएर कोशी नामको समर्थक बसेकामा स्वयम राई समुदाय आक्रोशित रहेको छ । किरात राई यायोक्खा झापाले सुक्रबार निरन राईको तस्वीरमा जुत्ता राख्नुको साथै २ मिनेट थुकेका थिए । थुक्दै लात हान्दै वंश गद्दार घोषणा गरेको हो ।
कोशी नाम राखिएसँगै प्रदेश नं. १ पुनः नामकरण संयुक्त संघर्ष समितिले सांसदहरुलाई कालो मोसो दल्ने, सरकारी कार्यालयहरुमा कालो झण्डा राख्ने, कोशी प्रदेशको बोर्ड सरकारी कार्यालयमा राख्न नदिने राखिएमा जलाइदिने लगायतको कार्यक्रम घोषणा भएको छ । कोशी नाम राखिएसँगै सडक जाम, मशाल जुलुस, आम हड्ताल लगायतको कार्यक्रम गर्दै आएको छ ।
