मोरङ । मोरङको पथरीशनिश्चरे नगर स्थित पथरी बहुमुखी क्याम्पस नजिककै आइतबार अपरान्ह बेवारिसे अवस्थामा अमेरिकिन पेस्तोल फेला परेको छ ।
क्याम्पस १ नं. वडामा पर्दछ । क्याम्पस पछाडी पथरी खोला रहेको छ । १ र १० नम्बर वडावीचमा पर्ने पथरी खोलामा माछा मार्न गएका स्थानीयबासीहरुले बेवारिसे अवस्थामा पेस्तोल देखेपछि प्रहरीलाई खबर गरेका थिए ।
खाली म्याग्जीन रहेको पेस्तोलमा मेडइन अमेरिका उल्लेख भएको इलाका प्रहरी कार्यालय पथरीका प्रमुख डीएसपी लक्ष्मी भण्डारी बताए । पेस्तोल बारे अनुसन्धान भइरहेको डिएसपी भण्डारीले जानकारी दिनुभयो ।
