इलाम । प्रदेशको नाम कोशी राख्न प्रस्ताव गर्ने प्रदेश सभा सदस्य राम रानामगरमाथि बुधबार आफ्नै जिल्ला इलाममा आक्रमण भएको छ ।
प्रदेश सभा सदस्य मगरले छापामार शैलीमा ल्याइएको प्रदेशको नाम कोशीको समर्थक हुन् ।
नेकपा (एमाले) जिल्ला समितिको बैठकको लागि इलामको माङ्सेबुङ्ग जाँदै गर्दा माङ्सेबुङ्ग गाउँपालिका–३ पुरानो गाविस भवन क्षेत्र (घर्ति दोभान)मा पुग्दा आक्रमण भएको थियो । दिउँसो करिव १ बजे भउको आक्रमणबाट प्रदेश सांसद राना चढेको बा २ झ ३७३७ नम्बरको गाडिको अगाडि, पछाडि, साइड सम्पूर्ण सिसा फुटेको छ ।
गाडिको सम्पूर्ण सिसाहरु फुटेपनि सासंद राना सकुसल रहेको जिल्ला प्रहरी कार्यालय इलामका प्रमुख दिलिप घिमिरेले बताए । आक्रमण पछि राना बैठकमा सहभागि नभइ सोही गाडिबाट बिराटनगर फर्किएका थिए । राना नेकपा (एमाले)का केन्द्रिय सदस्यसमेत हुन् । यो बिषयमा एमाले केन्द्रीय प्रचार विभागको सचिव गगन विष्टले विज्ञप्ति प्रकाशन गरी ध्यान आकर्षण भएको जनाएको छ ।
प्रदेश नं. १ को नाम कोशी राखिएपछि पहिचानवादी शक्तिहरुले आन्दोलन गर्दै आएका छन् । कोशी नामको प्रस्तावक, समर्थकसहित भोट दिने ८२ प्रदेश सांसद र कोशी नाम राख्न मुख्य निर्देशन दिने केपी ओलीलाई प्रदेशको हरेक जिल्लामा कालो झण्डा देखाउने लगायतको कार्यक्रम गर्दै आएका छन् ।
