मोरङ । भुजेल महिला समाज सेवा समिति र युवा समाज सेवा समितिको नयाँ नेतृत्व चयन गर्दै शनिबार संयुक्त रुपमा मोरङ जिल्ला अधिवेशन समापन भएको छ ।
अधिवेशनले भुजेल महिला समाज सेवा समितिको अध्यक्ष मिना भुजेल सर्वसहमत चयनगरेको छ । त्यसैगरी उपाध्यक्ष रेखा भुजेल, सचिवमा मञ्जु भुजेल, सहसचिवमा अनिता भुजेल, कोषाध्यक्षमा कल्पना भुजेल र सदस्यहरुमा मन्दिरा, बिमला, अनु भजुेल, केन्जल भुजेल सर्वसहमत चयन गरेको हो । मिना भुजेल नेपाल आदिबासी जनजाति महासंघ पथरीशनिश्चरे नगर समन्वय समितिको कोषाध्यक्ष हुन् ।
त्यसैगरी भुजेल युवा समाज सेवा समितिको अध्यक्षमा बिनोद भुजेललाई चयन गरेको छ । उपाध्यक्षमा पुष्कार भुजेल, सचिवमा पुष्प भुजेल, सहसचिवमा उषा र कोषाध्यक्षमा खगेन्द्र भुजेल, सदस्यहरुमा दिपेश, अञ्जनी, रोशन भुजेललाई सर्वसहमत चयन गरेको हो ।
भुजेल समाज सेवा सम्वनय समिति मोरङको संयोजनमा भएको कार्यक्रममा भुजेल समुदायका पथरीशनिश्चरे नगरका जेष्ठ नागरिक चन्द्रमाया खवास, दुर्गा बहादुर भुजेल, टिकाराम भुजेल र भद्रमाया भुजेललाई दोसल्लाह ओढाएर सम्मान गरिएको थियो । त्यसैगरी सिटी सफारी चलाएर जिविको पार्जन गर्दै आएकी कानेपोखरी गाउँपालिका निबासी अन्जना भुजेललाई नगदसहित दोसल्लाह ओढाएर सम्मान गरिएको थियो ।
कार्यक्रममा पथरीशनिश्चरे नगर उपप्रमुख देवीमाया काफ्ले, विशिष्ट अतिथि भुजेल समाज सेवा केन्द्रिय वरिष्ठ उपाध्यक्ष राजकुमार भुजेल र उपाध्यक्ष केशर खवासले दोसल्लाह ओढाएका थिए ।
कार्यक्रममा पथरीशनिश्चरे नगर वडा नं. १ का अध्यक्ष भिम राई, भुजेल सेवा समितिका केन्द्रिय सहकोषाध्यक्ष तिर्थ भुजेल, केन्द्रिय सदस्य भुपाल खवास लगायतको उपस्थिति रहेको थियो ।
तिजको अवसरमा चेलिबेटी भेटघाटसमेत गरिएको जिल्ला अधिवेशनमा मोरङको बिभिन्न स्थानबाट प्रतिनिधि सहभागि भएको भुजेल समाज सेवा सम्वय समिति जिल्ला सचिव युवराज भुजेलले जानकारी दिए ।
२०७८ को जनगणनामा भुजेल जातिको जनसंख्या १ लाख २० हजार ४ सय ६१ रहेको उल्लेख छ ।
