मोरङ । मोरङको पथरीशनिश्चरे स्थित सिरिजंगा धार्मिक वन क्षेत्र भित्र निजी लगानीमा चमेना गृह बन्ने भएको छ ।
उर्लाबारी ९ का धनबहादुर एभेङ लिम्बूको सम्झनामा छोराहरुले चमेना गृह बनाउन सुरु भएको हो ।
उर्लाबारी ९ का एभेङ परिवाले बाबुको सम्झनामा १० लाख लागतमा चमेना गृह बनाउन लागेका हुन् । सिरिजंगा धार्मिक वनको आयोजनामा आज कार्यक्रमवीच भवन शिलान्यास गरेको हो ।
स्थानीय जनप्रतिनिधिहरु, धार्मिक वनका पदाधिकारीहरु, वन कार्यालयका कर्मचारी, लगानी कर्ताहरुको उपस्थितिमा पथरीशनिश्चरे नगर प्रमुख मोहन तुम्बापोको हातबाट शिलान्यास गरेका हुन् ।
सिरिजंगा धार्मिक वन समितिका अध्यक्ष डम्बर चोङ्बाङ लिम्बूको सभापतित्वमा भएको कार्यक्रममा वडा नं. १ का अध्यक्ष भीमकुमार राई, सदस्य पूर्ण कार्की, १० का अध्यक्ष जीवन खतिवडा, निर्माण कर्ताहरु राम एभेङ, युएन एभेङ, सुदिन एभेङ, वचन एभेङ लगायत परिवारको उपस्थिति रहेको थियो ।
बाबाको सम्झनामा पक्की पिलर, वाल र जस्ताको छानो भएको भवन निर्माण गरेर धार्मिक वनलाई हस्तातरण गर्ने बताएका छन् । संस्थाका सचिव मानप्रसाद लिम्बूले सञ्चालन गरिएको कार्यक्रममा लेखा समिति सयोजक धनप्रसाद साम्बाले स्वागत गरेका थिए ।
इच्छुक परिवारले धार्मिक वन क्षेत्रमा संस्थाको योजना अनुसार यस्ता भवनहरु निर्माण गर्न सक्ने अध्यक्ष डम्बर चोङ्बाङ लिम्बूले जनाकारी दिए ।
