मोरङ । मोरङको पथरीशनिश्चरेमा नगर स्तरीय प्याब्सन फुटबल टुर्नामेन्टको आजदेखि सुरु भएको छ ।
निजी तथा आवासीय विद्यालय अर्गनाइजेसन (प्याब्सन) नेपाल नगर कार्य समिति पथरी शनिश्चरेको आयोजनामा सुरु भएको उद्घाटन खेलमा बालजागरण, अन्नपूर्ण, डनवस्को, न्यू पेगोडा, एभरेष्ट, वाल्मीकि र मोरङ मेरिगोल्ड स्कुल विजयी भएका छन् ।
खेल सुरुहुनु अघि प्याव्सन नगर अध्यक्ष सुरेन्द्र लिम्बुको अध्यक्षतामा उद्घाटन कार्यक्रम भएको थियो । कार्यक्रममा प्याब्सन नगरको प्रमुख सल्लाहकार उपेन्द्र कडेल, सल्लाहकारद्वय नवलकिशोर खनाल, टिका दंगाल र नगर खेलकुद विकास समितिका अध्यक्ष दीपक राई लगायतको उपस्थिति रहेको थियो ।
