दिपक बास्तोला,उर्लाबारी
मोरङको उर्लाबारीमा माघ १२ गतेदेखि दोश्रो उर्लाबारी भेट्रान नगरस्तरीय तथा स्व.राज ब. साम्याङ्खाम नकआउट फुटबल प्रतियोगिता हुने भएको छ ।
उर्लाबारी–६ स्थित राधिका माध्यमिक विद्यालयको खेल मैदानमा उर्लाबारी भेट्रान क्लबको आयोजनामा सो प्रतियोगिता हुने भएको हो ।
प्रतियोगितामा प्रदेश १ का ८ वटा नगरपालिकाको सहभागिता रहने क्लबका अध्यक्ष दिपक पोमुले बताउनुभयो । जसमा झापा बाट बिर्तामोड न.पा , कन्काइ न.पा , शिवसताक्षी न.पा रहने छन भने मोरङ बाट आयोजक उर्लाबारी न.पा ,सुन्दर हरैचा न.पा , बिराटनगर महानगरपालिका रहने छन ।
तेस्तै सुनसरी बाट इटहरी उपमहानगरपालिका र धरान उपमहानगरपालिका रहने छन । पत्रकार सम्मेलनमा प्रमुख अतिथी अखिल नेपाल फूटबल संघ का सह- महासचिव वसन्त अर्याल अखिल नेपाल फूटबल संघ का केन्द्रिय सदस्य दिपेन्द्र धिमाल जिल्ला फुटवल संघ मोरङका अध्यक्ष संजिव बुढाथोकी, सञ्चार क्लब नेपाल उर्लाबारीका पूर्वअध्यक्ष घनश्याम भण्डारीलगागयतले बोल्नुभयो ।
