• उर्लाबारी । मोरङको उर्लाबारी नगरपालिका - ९ आदर्श चोकस्थित भिमसेनथान मन्दिरको शनिबार उद्घाटन गरिएको छ । एक कार्यक्रमकाबिच कोशी प्रदेशसभा सदस्य उमाकान्त गौतमले मन्दिरको उद्घाटन गर्नुभएको हो । सो अवसरमा उहाँले विविधता बिचको एकता नै नेपालीको साझा सम्पत्ति भएको बताउनुभयो ।

     प्रदेशसभा सदस्य गौतमले धार्मिक एकता कायम राख्नुपर्नेमा जोड दिदै सबै जातजाति र धर्मको चाडपर्वको संरक्षण गर्नुपर्ने बताउनुभयो । सबै जातजातिको धर्म संस्कृतिको संरक्षण गर्न सकेमा मात्र नेपालीको पहिचान कायम रहने बताउनुभयो । उहाँले आगामी २ बर्षभित्रमा चिउरामिल- गाईघाट सडक कालोपत्रले पूर्णता पाउने बताउनुभयो । 

    अहिले पनि सो सडक खण्डमा कालोपत्रको योजना संचालन भईरहेको बताउनुहुँदै उहाँले २ बर्षभित्रमा उर्लाबारी नगर क्षेत्र सम्ममा पुरा भईसक्ने बताउनुभयो । सो क्रममा भिमसेनथान मन्दिर संरक्षण समितिका अध्यक्ष दिलकुमार श्रेष्ठले प्रदेशसभा सदस्य गौतमलाई मन्दिरको बिकासका लागि मागपत्र समेत हस्तान्तरण गर्नुभएको थियो ।

    कार्यक्रममा उर्लाबारी नगरपालिकाकी उपप्रमुख मिना खतिवडा पौडेल , उर्लाबारी ९ का वडाध्यक्ष नरबहादुर मोक्तान, समाजसेबी सुन्दर श्रेष्ठ लगायतले शुभकामना मन्तव्य राख्नु भएको थियो भने मन्दिर निर्माणमा सहयोग पुर्याउनु हुने दाताहरुलाई सम्मान समेत गरिएको थियो ।

सम्वन्धित समाचार

काठमाडौं । हरितालिका तिज पर्वमा पशुपतिनाथको दर्शन गर्न आउने भक्तजनका लागि मूल मन्दिरका चार ढोका बिहान ३ …

काठमाडौ । सम्झौताअनुसार काम नगर्ने कान्छाराम कन्स्ट्रक्सनसहित २२ वटा निर्माण तथा आपूर्ति कम्पनीलाई …

काठमाडौ । राष्ट्रिय स्वतन्त्र पार्टी सोलुखुम्बुको लिखिुपके गाउँपालिकाका पालिका सभापति राम चन्द्र बस्नेत पक्राउ…

काठमाडौं । १२ कक्षाको नतिजा सार्वजनिक भएको छ । सोमबार साँझ बसेको परीक्षा बोर्डको बैठकपछि नतिजा सार्वजनिक…