भूमिप्रसाद पाठक
हिसान खेलकुद सप्ताह–२०८० को फुटबल खेलमा मोरङको पथरीशनिश्चरे स्थित रेडस्टार कलेज छात्र, छात्रा दुवैतर्फ फाइनलमा प्रवेश गरेको छ ।
सेमिफाइनल खेलमा पथरी शनिश्चरेको रेडस्टार कलेजले विराटनगरको कान्तिपुर कलेजलाई पेनाल्टी सुट आउटमा ४–३ को गोल अन्तरले पराजित गर्दै फाइनलमा प्रवेश गरेको हो ।
निर्धारित समयमा दुवै टिमले १–१ को बराबरी खेले पछि खेलको निणर्य पेनाल्टी सुटआउटबाट भएको हो । खेलको म्यान अफ म्याच रेडस्टारका गोलकिपर समिर विष्ट घोषित भए ।
त्यसैगरी, छात्रा फुटबलतर्फ रेडस्टारले विराटनगरको शिक्षादिप कलेजलाई ३–० को गोल अन्तरले पराजित गरि फाइनलमा प्रवेश गरेको छ । रेडस्टारका आसिका लिम्बु, प्रमिसा श्रेष्ठ र सन्ध्या पोडेलले १–१ गोल गरेकी थिइन । वेमेन अफ द म्याच रेडस्टारका आसिका लिम्बु घोषित भईन् ।
प्रतियोगिताको फाइनल खेल आज सहिद रङ्गशालामा अपरान्ह हुने आयोजक हिसान मोरङका उपाध्यक्ष टिएन तिम्सिनाले जानकारी दिए ।
