मोरङ । मोरङको उर्लाबारीमा सोमबार साँझ टिप्परको ठक्करबाट उर्लाबारी वडा नम्बर ६ की सीता बोहोराको घटनास्थलमै मृत्यु भएको छ ।
टिपर मधुमल्लाबाट उर्लाबारीतर्फ आउँदै गरेको बागमती प्रदेश ०३–००१ क १०९० नम्बरको टिपरले सोही दिशातर्फ आउँदै गरेको प्रदेश १–०–०१४ प ६८३३ नम्बरको स्कुटरलाई उर्लाबारी वडा नम्बर ६ स्थित सिसौली चोकमा ठक्कर दिदा स्कुटरमा सवार २८ वर्षीय बोहोराको घटनास्थलमै मृत्यु भएको हो ।
स्कुटरमा सवार बोहोराको छोराको टाउकोमा चोट देखिएपछि लागि विराटनगर न्युरो अस्पतालमा लगिएको छ ।
घट्नापछि आक्रोसित स्थानीयहरुले ईलाका प्रहरी कार्यालय उर्लाबारीमा घेराउ गरिरहेका थिए । आन्दोलनरत समूहले पुर्वपश्चिम मुख्य सडकसमेत बन्द गराएका थिए । ठक्कर दिएर फरार टिप्परलाई प्रहरीले नियन्त्रणमा लिएको उर्लाबारी प्रहरीले जनाएको छ ।
