• मोरङ । नेपाल पत्रकार महासंघ मोरङ शाखाको आयोजनामा आज एक दिवसीय एआई (कृत्रिम बुद्धिमत्ता) र मोबाइल जर्नालिजम सम्बन्धी तालिम सम्पन्न भएको छ । कार्यक्रमको उद्घाटन प्रदेशको आन्तरिक मामिला तथा कानुन मन्त्री लिलाबल्लभ अधिकारी प्रमुख आतिथ्यतामा भएको थियो  ।
    तालिमका मुख्य सहजकर्ताहरूमा रबिराज बरालले एआई सम्बन्धी, भीषण राईले मोबाइल जर्नालिजम (मोजो), र यज्ञ शर्माले मोरङको पत्रकारिताको इतिहासबारे प्रशिक्षण दिएका थिए ।
    यस तालिमले पत्रकारहरूलाई आधुनिक प्रविधि र नवीनतम पत्रकारिता शैलीसँग परिचित गराउने उद्देश्य राखेको थियो । कार्यक्रममा बोल्दै मन्त्री अधिकारीले पत्रकारिता क्षेत्रमा एआई र मोबाइल प्रविधिको बढ्दो महत्वबारे जोड दिए। उनले यस्ता तालिमहरूले पत्रकारहरूको व्यावसायिक क्षमता अभिवृद्धि गर्न महत्वपूर्ण भूमिका खेल्ने बताए ।
    महासंघका कार्यबाहक अध्यक्ष भट्टराईले भने यस्ता कार्यक्रमहरू नियमित रूपमा आयोजना गरिने र पत्रकारहरूलाई समयानुकूल सीप र ज्ञानले सुसज्जित गराइने प्रतिबद्धता व्यक्त गरे ।
    सहभागी पत्रकारहरूले यस तालिमलाई अत्यन्त उपयोगी र समयानुकूल भएको प्रतिक्रिया दिएका छन्। । उनीहरूले यसबाट प्राप्त ज्ञान र सीपलाई आफ्नो दैनिक पत्रकारिता अभ्यासमा प्रयोग गर्ने बताएका छन्। । तालिममा करिब सय जना पत्रकारहरूको सहभागिता रहेको अर्का कार्यबाहक अध्यक्ष तारा आचार्यले जानकारी दिए । 
     

सम्वन्धित समाचार

मोरङ । मोरङको पथरी सनिश्चरेबाट प्रकाशितहुँदै आएको जमर्को साप्ताहिकले आइतबार बाह्रौं वार्षिकोत्सव मनाएको छ।…

उर्लाबारी । भदौं पहिलो साता हुने उर्लाबारी उद्योग बाणिज्य संघको निर्वाचनमा महासचिब पदमा युवा ब्यवसाय…

मोरङ । पालिकाको सौन्दर्यता बढाउने लगायतको रकम व्यवस्थापन गर्दै मोरङको कानेपोखरी गाउँपालिकाले आर्थिक वर्ष २…