मोरङ । पूर्व उपप्रधान तथा गृहमन्त्रीसमेत रहेका माओवादी केन्द्रका उपाध्यक्ष नारायणकाजी श्रेष्ठ असोज १८ गते मोरङको सुन्दरहरैचा—८, सलकपुर आउने भएका छन् ।
वाइसीएल नेपालको मोरङ जिल्ला कार्यालय र पार्टी सुन्दरहरैचा नगर समितिको कार्यालय उद्घाटन तथा शुभकामना आदानप्रदान कार्यक्रममा श्रेष्ठ सलकपुर आउन लागेको हो ।
कार्यालय उद्घाटनको साथै सांस्कृतिक झाँकी प्रदर्शन र चाडपर्वको शुभकामना कार्यक्रम राखिएको पार्टी मोरङ जिल्ला इन्चार्ज कुलप्रसाद साम्बा (कुसल)ले बताए ।
कार्यालय उद्घाटन कार्यक्रममा युवाहरुको भ्रष्टाचार विरुद्ध मार्चपास समेत गर्ने कार्यक्रम रहेको वाईसीएल मोरङ जिल्ला संयोजक योगेन लिम्बूले जानकारी दिए ।
श्रेष्ठ गृहमन्त्री रहदा ठूला भ्रष्टाचारको फाइलहरु खोलेर अभियुक्तहरुलाई पक्रेर कारबाही प्रकृया अघि बढाएका थिए । प्रचण्ड प्रधानमन्त्री र श्रेष्ठ गृहमन्त्री रहदा भ्रष्टाचारका अभियुक्तहरु कारबाहीमा पर्न थालेपछि संघीय सरकार छाड्नु पर्ने वातावरण बनेको थियो ।
सरकार छाडेर प्रमुख प्रतिपक्षी दलका नेता प्रचण्डले माओवादी केन्द्रलाई बहुमत दिए ‘भ्रष्टाचारीलाई ठोकिदिने’ वा जेल लगाइदिने भनिएको भिडियो क्लिप भाइरल भनिरहेको छ । सरकारमा हुँदा र सरकार छाडेपछि पनि माओवादी केन्द्र भ्रष्टाचार विरोधी अभियानमा लागिरहेको देखिन्छ ।
